Աշխարհի բազմաթիվ երկրներ այցելած բլոգերի արկածները Հայաստանում

Աշխարհի բազմաթիվ երկրներ այցելած բլոգերի արկածները Հայաստանում

Տիրինկատարում ցլակերպ վիշապաքար է հայտնաբերվել

27/01/2020 18:23

Տիրինկատարում ցլակերպ վիշապաքար է հայտնաբերվել

Հայ-գերմանական արշավախումբն Արագածի գագաթամերձ մասում՝ Տիրինկատարի տարածքում, մի ցլակերպ վիշապաքար է պեղել: Ինչպես «Արմենպրես»-ի հետ զրույցում ասաց հայ-գերմանական արշավախմբի ղեկավար Արսեն Բոբոխյանը, վիշապաքարը մի հարթակի վրա էր ընկել, որի վրա հայտնաբերվել են բույսերի հետ կապված օրգանական հետքեր:

«Այդ հետքերը վկայում են այն մասին, որ վիշապաքարի մոտ ինչ-որ ծիսակատարություններ են կատարվել»,-ասաց նա:

Հայ-գերմանական արշավախմբի ղեկավարը հետաքրքիր համարեց նաեւ այն փաստը, որ վիշապաքարի տարածքն ամբողջությամբ վանակատի ու խեցեղեն բեկորներով էր շրջափակված: «Այդ բեկորները հնարավորություն են տալիս տեղանքը թվագրելու երրորդ, երկրորդ հազարամյակի սահմանում»,-հավելեց Բոբոխյանը:

Նախորդ տարվա պեղումների համեմատ, Տիրինկատարի այս տարվա պեղումները բավական ուշագրավ արդյունքներ են արձանագրել: «Քանի որ վիշապաքարը ընկած էր, մենք կարող ենք հստակ ասել, թե վերջինս որ կողմ էր նայում: Վիշապը նայել է Արագածի ուղղությամբ, իսկ նրա առջեւ ծիսակատարություն կատարողը՝ Արարատի ուղղությամբ»,-հավելեց նա:

Տիրինկատարի պեղումներն ընթանում են Վիշապ քարակոթողների ծրագրի շրջանակներում: Հայ-գերմանական համատեղ արշավախումբը Տիրինկատարում պեղումներ իրականացնում է 2013 թվականից:

По Теме

Арменалогия

«ՖրիՎոյսՆյուզ»ՍՊԸ

Էլ. փոստ՝ info@armfvn.com

Գովազդի համար զանգահարել՝ (+374)93789764

© All rights reserved

Найдите Нас`