Նոր կադրեր Ապրիլյան պատերազմ․ ապրիլի 2, Սեյսուլան, ազատագրված հերոսական 116 մարտական դիրքը օդից

Նոր կադրեր Ապրիլյան պատերազմ․ ապրիլի 2, Սեյսուլան, ազատագրված հերոսական 116 մարտական դիրքը օդից

Ի՞նչ կարող ենք սպասել ցեղասպանության իրողությունը ժխտող ազգի զավակներից. Թուրք գրող

19/04/2014 02:03

Ի՞նչ կարող ենք սպասել ցեղասպանության իրողությունը ժխտող ազգի զավակներից. Թուրք գրող

Ստամբուլում հրատարակվող «Ակօս» շաբաթաթերթը հրապարակել է թուրք գրող, «Վտանգավոր հակումներ» գրոի հեղինակ  Փերիհան Մաղդենի հետ մի հարցազրույց, որտեղ գրողը խոսել է նաև  Հայոց ցեղասպանության թեմայի և Անկարայի ավանդական ժխտողական քաղաքականության մասին: Խոսելով թուրքերի` ցեղասպանությունը ժխտելու անամոթությունից` Մաղդենը պատմել է իր ու դստեր հետ կապված մի դրվագի մասին:

«Մի բանից բարկացել էի, կատաղությունից բղավում էի, թե լավ ախր ո՞նց չեն տեսնում, ո՞նց չեն հասկանում: Աղջիկս այդ պահին ինձ ասաց. «Մայրի՛կ, իսկ դու ի՞նչ էիր սպասում Հայոց ցեղասպանությունը չընդունող, փաստը տեսնել չցանկացող մարդկանցից»: Իսկապես, ի՞նչ կարող ենք սպասել ցեղասպանության իրողությունը ժխտող ազգի զավակներից: Ասել է թե փողոցի մեջտեղում մի դիակ կա, ու մենք ավտոմեքենաներով վրայով գնում-գալիս ենք: Ու քանի դեռ ոչ սգում ենք, ոչ առերեսվում եղածի հետ, առաջ գնալ չենք կարողանա»:

Հարցին, թե ինչ ակնկալիքներ ունի 2015-ից, հնարավո՞ր է, որ 100 ամյակին Թուրքիան կառերեսվի Հայոց ցեղասպանության հետ, թուրք գրողը բացասական պատասխան է տվել:

«Ըստ իս` մենք դեպի ավելի վատն ենք գնում: Իմ կարծիքով` իշխող կուսակցությունը և քեմալիստները դրսևորում են իրենց վատ կողմերը միայն, ինչի հետևանքով հասել ենք վատ հանգրվանի: Երկու ճամբարում էլ քենն ու ատելությունը ահագնացել է: Այդ իսկ պատճառով պատմության հետ առերեսվելը հնարավոր չեմ դիտում: Հայերի հետ կապված այդ հարցը մեր կյանքում եղած սև ճեղքն է: Առանց այդ ճեղքը փակելու չենք կարող առաջ շարժվել: Մեր առաջ հոգևոր անդունդ կա»,- նշել է Փերիհան Մաղդենը:

Այս թեմայով

Ֆեյսբուք

Հայագիտություն

«ՖրիՎոյսՆյուզ»ՍՊԸ

Էլ. փոստ՝ info@armfvn.com

Գովազդի համար զանգահարել՝ (+374)93789764

© All rights reserved

Գտեք Մեզ`