Նոր կադրեր Ապրիլյան պատերազմ․ ապրիլի 2, Սեյսուլան, ազատագրված հերոսական 116 մարտական դիրքը օդից

Նոր կադրեր Ապրիլյան պատերազմ․ ապրիլի 2, Սեյսուլան, ազատագրված հերոսական 116 մարտական դիրքը օդից

Մարդու իրավունքների եվրոպական դատարանը ժխտում է Հայոց ցեղասպանությունը

18/12/2013 17:28

Մարդու իրավունքների եվրոպական դատարանը ժխտում է Հայոց ցեղասպանությունը

Մարդու իրավունքների եվրոպական դատարանը բավարարել է Հայոց ցեղասպանությունը ժխտելու համար շվեյցարական դատարանի կողմից մեղավոր ճանաչված քաղաքական գործիչ Դողու Փերինչեքի հայցը` ժխտելով, որ 1915թվին Օսմանյան Թուրքիայի կողմից հայերի հանդեպ իրագործվել է ցեղասպանություն, ինչպես նաև հայտարարել է. «Հայոց ցեղասպանությունը հանցագործություն չէ»: Տեղեկացնում է Reauters-ը:

Դատարանը, որ 47 ազգերի ստիպում է հետևել  Եվրոպայի մարդու իրավունքների կոնվեցիային, ասում է, որ Շվեյցարիայի օրենքն ընդդեմ Հայոց Ցեղասպանության ժխտման, խախտում է մարդու խոսքի և ազատ արտահայտվելու իրավունքը:

Նշվում է նաև, որ այս կանոնակարգը իր հետևանքներն է ունեցել նաև Ֆրանսիայում, որը ցանկանում էր Հայոց Ցեղասպանության ժխտումը քրեականացնող օրենք ընդունել: 

Հիշեցնենք, որ Շվեցարական դատարանը թուրք քաղաքական գործիչ Դողու Փերինչեքին դատել էր 2008 թվականին 3 ամսով, ինչից հետո որոշումը փոխել էր և կալանքը փոխարինել վարչական տուգանքով, 2007թ-ին Շվեյցարիայում կայացած իր ելույթի ընթացքում՝ Հայոց Ցեղասպանությունը  որպես «միջազգային սուտ» որակելու համար

Եվրոպական դատարանը իր որոշման մեջ գրում է. «Թուրքիան ընդունում է, որ 1915 թ-ի սկզբներին պարտիզանական կռիվների ընթացքում զոհվել են հայեր, բայց դատարանը ժխտում է, որ ցեղասպանվածների թիվն անցնում է 1.5 մլն-ը, և որ իրագործվել է Ցեղասպանություն,- հավելելով,- ցեղասպանությունը մի տերմին է, որը շատ է օգտագործվում Արևմուտքի պատմաբանների և  խորհրդարանների կողմից, բայց Ցեղասպանությունը խիստ նեղ իրավական եզրույթ է, որը դժվար է ապացուցելը»:

Դատարանն ասես իր որոշումը մեղմացնելու համար գրել է. «Փերինչեքը  պարզապես պատմական, իրավական և քաղաքական բնույթի ելույթ է ունեցել բանավեճի ընթացքում»:

Նշենք, որ դատարանը նաև համեմատականներ է անցկացրել Հայոց Ցեղասպանության և Հրեաների Հոլոքոսթի միջև՝ գալով այն եզրահանգման, որ սրանք լրիվ տարբեր երևույթներ են:

Վերջում ասվում է, որ Շվեյցարիան կարող է 3 ամսվա ընթացքում դատարանի վճիռը բողոքարկել:

Այս թեմայով

Ֆեյսբուք

Հայագիտություն

«ՖրիՎոյսՆյուզ»ՍՊԸ

Էլ. փոստ՝ info@armfvn.com

Գովազդի համար զանգահարել՝ (+374)93789764

© All rights reserved

Գտեք Մեզ`