Նոր կադրեր Ապրիլյան պատերազմ․ ապրիլի 2, Սեյսուլան, ազատագրված հերոսական 116 մարտական դիրքը օդից

Նոր կադրեր Ապրիլյան պատերազմ․ ապրիլի 2, Սեյսուլան, ազատագրված հերոսական 116 մարտական դիրքը օդից

Հրեական լոբբին խանգարում էր ԱՄՆ-ին ճանաչել Հայոց Ցեղասպանությունը. Իրանցի գիտնական

16/04/2014 17:36

Հրեական լոբբին խանգարում էր ԱՄՆ-ին ճանաչել Հայոց Ցեղասպանությունը. Իրանցի գիտնական

«Հայոց ցեղասպանության հարցը Թուրքիայի կառավարության համար գլխացավանք է դարձել», իրանական Irna լրատվական գործակալության հաղորդմամբ՝ հայտարարել է «Գիրիսուն» համալսարանի դասախոս Աբբաս Ղարե Աղաչլուն: Տեղեկացնում է Panorama.am-ը:

Իրանցի գիտնականը` անդրադառնալով ԱՄՆ Սենատի արտաքին հարաբերությունների հանձնաժողովի կողմից Հայոց ցեղասպանությունը ճանաչող բանաձևի ընդունմանը, նշել է. «Աշխարհի 36 երկրի խորհրդարան ճանաչել է Հայոց ցեղասպանության փաստը: Հաշվի առնելով Անկարայի և Վաշինգտոնի հարաբերություններում առաջացող լարվածությունը՝ հնարավոր է, որ ԱՄՆ Սենատը պաշտոնապես ճանաչի Օսմանյան Թուրքիայի կողմից իրականացված Հայոց ցեղասպանությունը»:

Շարունակելով խոսքը՝ Աբբաս Ղարե Աղաչլուն հավելել է. «Մինչև այդ հրեական լոբբին կարողանում էր արգելափակել նմանատիպ օրինագծերը, սակայն «Մավի Մարմարա» նավի հետ կապված միջադեպից հետո իրավիճակը փոխվեց և չեմ կարծում, որ այսուհետ հրեական լոբբին նախկինի պես օգնի Թուրքիային: Եթե հայկական, հրեական և հունական լոբբիները միավորվեն, ապա ԱՄՆ Սենատը կհաստատի Հայոց ցեղասպանության մասին բանաձևը»:

Անդրադառնալով Հայոց ցեղասպանության 100-ամյակին՝ իրանցի գիտնականը նշել է. «Մինչև 2015թ. Թուրքիայի համար դժվար է լինելու. մի կողմից նախագահական և խորհրդարանական ընտրությունները, մյուս կողմից սիրիական ճգնաժամը»:

Այս թեմայով

Ֆեյսբուք

Հայագիտություն

«ՖրիՎոյսՆյուզ»ՍՊԸ

Էլ. փոստ՝ info@armfvn.com

Գովազդի համար զանգահարել՝ (+374)93789764

© All rights reserved

Գտեք Մեզ`