Օպերայի հարակից սրճարանների ապամոնտաժումը. բախումներ, բերման ենթարկվածներ, վիրավորներ

Օպերայի հարակից սրճարանների ապամոնտաժումը. բախումներ, բերման ենթարկվածներ, վիրավորներ

Հայ-բաբելական առևտուրը կաշվե լաստերով

03/01/2017 19:26

Հայ-բաբելական առևտուրը կաշվե լաստերով

«Ազատ Ձայն»-ն իր ընթերցողին է ներկայացնում Հերոդոտոսի մի վկայություն, որտեղ պատմիչը ներկայացնում է հայ-բաբելական առևտրային մի փոքր դրվագ:

Հայտնի  է, որ հայերը հնագույն ժամանակներից սկսած առևտրային հարաբերություններ են ունեցել Շումերի, Եգիպտոսի, Բաբելոնի, Չինաստանի և այլ երկրների հետ: Հերոդոտոսը վկայում է, որ հայերը Բաբելոն ապրանքներ են տարել կաշվե լաստերով՝ նավարկելով Եփրատի և Տիգրիսի վրայով. «Պիտի խօսիմ ուրիշ հրաշալիքի մը մասին, որ քաղաքեն (Բաբելոնեն) յետոյ՝ այդ երկիրին զարմանալիքներուն ամենամեծն է: Այն լաստերը, որ հոսանքն ի վար գետով (Տիգրիս) կերթան դեպի Բաբելոն, կլոր ձեւ ունին եւ շինուած են կաշիէ: Հայաստանի մէջ, որ Ասորիստանի հիւսիսակողմը կը գտնուի, մարդկ կը կտրտեն ուռիի ճիպոտներ եւ անոնցմով կը շինեն լաստերու կմախքները: Ապա, դուրսի կողմեն կը պատեն կաշիով, որ ջուրը ներս թափանցէ:  Լաստը որ ցռուկ ունի, եւ չ խելք, ա բոլորովին կլոր է, վահանի նման: Նաւը կը լեցնեն յարդով, կը բեռնաւորեն արպրանքներով եւ յետոյ հոսանքն ի վար կը քշեն: Բեռը բաղկացած կըլլայ մեծ մասամբ գինիով, լեցուած կարմիր կաւէ շինուած կարասներու մէջ: Երկու մարդ կը վարեին նաւը՝ երկու ձողերու օգնութեամբ: Նաւավարները ուղիղ կանգնած կըլլային լաստին մեջ՝ մեկը ձողը կը ձգեր դեպի ինքը, իսկ միւսը կը հրեր: Այս նաւերը զանազան մեծութեամբ կըլլային:

Ամենամեծերը կը կրեին մինչեւ հինգ հազար տաղանդ (մոտ 10.000 կգ) ապրանք: Ամէն մեկ նաւու վրայ կը գտնուէր էշ մը, իսկ մեծերուն վրայ՝ աւելի: Երբ անոնք բեռը Բաբելոն կը հասցնեն եւ ըստ պատկանելւյն կը յանձնեն, կը ծախեն նաեւ նաւին կմախքը ու մեջի յարդը: Իսկ կաշին կը բեռցնեն էշին վրայ եւ այսպես նորեն Հայաստան կը դառնան: Վասնզի անկարելի է այլեւս հոսանքն ի վեր երթալ (նաւով), քանի որ գետը շատ արագահոս է: Այդ պատճառով է, որ լաստերը կաշիե կը շինեն և ոչ թե փայտե: Երբ անոնք իրենց էշով կրկին Հայաստան կը հասնին, կսկսին նորէն այդպիսի նաւ մը շինել: Ահա այսպես են պատրաստուած անոնց նաւերը»:

«Ազատ Ձայն» լրատվականի նյութերն օգտագործելիս պարտադի՛ր նշեք սկզբնաղբյուրը նյութի հիպերակտիվ հղումով:

 

Այս թեմայով

Ֆեյսբուք

Հայագիտություն

«ՖրիՎոյսՆյուզ»ՍՊԸ

Էլ. փոստ՝ info@armfvn.com

Գովազդի համար զանգահարել՝ (+374)93789764

© All rights reserved

Գտեք Մեզ`