Թուրքիան Ադրբեջանին է վաճառել սեփական արտադրության «SOM-B1» թևավոր հրթիռներ

26/06/2018 18:38

Թուրքիան Ադրբեջանին է վաճառել թուրքական «Roketsan» ռազմարդյունաբերական ընկերության կողմից արտադրված «SOM-B1» թևավոր հրթիռներ։

Նորաստեղծ այդ հրթիռները Թուրքիայից հետո առաջինը օգտագործելու է Ադրբեջանը։ Դրանք արդեն ցուցադրվել են այսօր՝ հունիսի 26-ին, Բաքվում կայացած զորահանդեսի ժամանակ, որը նվիրված էր Ադրբեջանի բանակի ստեղծման 100-ամյակին։

Առայժմ այդ հրթիռները կարող են տեղադրվել միայն Ադրբեջանի օդուժի կողմից շահագործվող ռուսական արտադրության «MIG-29» ռազմական ինքնաթիռների վրա։ Աշխատանքերն են իրականացվում այդ հրթիռները «Su-25» և «F-16» ռազմական ինքնաթիռների վրա տեղադրելու համար:

Այդ հրթիռներից յուրաքանչյուրը կշռում է 600 կգ, իսկ խոցելու հեռահարությունը կազմում է 250 կմ։