Նոր կադրեր Ապրիլյան պատերազմ․ ապրիլի 2, Սեյսուլան, ազատագրված հերոսական 116 մարտական դիրքը օդից

Նոր կադրեր Ապրիլյան պատերազմ․ ապրիլի 2, Սեյսուլան, ազատագրված հերոսական 116 մարտական դիրքը օդից

Աշխարհի հնագույն տաճարային համալիրը՝ Պորտասարը, բետոնապատում են

28/03/2018 23:37

Աշխարհի հնագույն տաճարային համալիրը՝ Պորտասարը, բետոնապատում են

Աշխարհի հնագույն տաճարային համալիրը՝ Պորտասարը (Göbeklitepe) բետոնապատում են: Փորձագետներին հուզում է հնավայրում տեղի ունեցող շինաշխատանքները: Ապացույցներ կան, որ հնավայրը անվերադարձ վնասվում է բետոնի և «ծանր տեխնիկայի» միջոցով: Տեղեկացնում է Hurriyet-ը:

«Իմ ցավը դժվար է արտահայտել: Ամեն անգամ այնտեղ գնալիս մի նոր գտածո է հայտնաբերվում»,- ասում է Չիղդեմ Քոքսալ Շմիդտը՝ անդրադառնելով մարտի 14-ին տաճարային համալիր այցելությանը:

«Որպես պաշտպանիչ տանիքի մաս՝ փայտե ճեմուղիները հեռացվել են, իբր ավելի ուշ նորից տեղադրվելու պայմանով: Բայց այժմ փոխարենը կառուցում են բետոնապատ ճեմուղի»,- հավելեց Շմիդտը, ով Պորտասարի պեղումներ իրականացնող արշավախմբի ղեկավար Կլաուս Շմիդտի կինն է:

Նոր ճեմուղու կառուցումը, ծանր տեխնիկան պատկերող լուսանկարները և տեսանյութերը սոցիալական ցանցերում բարկության մեծ ալիք են բարձրացրել:

4,000 քմ պաշտպանիչ տանիքն արժեցել է  6.6 մլն եվրո և նոր ճեմուղին նախատեսվել էր կառուցել այն բանից հետո, երբ Պորտասարն ընդգրկվել էր ՅՈՒՆԵՍԿՕ-ի համաշխարհային ժառանգույթան ցանկի մեջ։

Նշենք, որ հնավայրը ՅՈՒՆԵՍԿՕ-ի փորձառնական ցուցակում ընդգրկվել էր դեռևս 5 տարի առաջ։

«Լուսանկարներում երևում է, որ կիրառվել է բետոն։ Նրանք չպետք է նման նյութ կիրառեին այնտեղ, կամ որքան հնարավոր է փոքր քանակությամբ օգտագործեին։ Հնավայրի մեջտեղում արդեն իսկ շատ մեծ տանիք կա։ Մենք չպետք է ժամանակակից տեխնոլոգիաներ կիրառենք նման տարածքներում»,- ասում է դոցենտ Նեչմի Քարուլը, ով Պորտասարի Գիտական խորհրդի անդամ է։

Վերակառուցման աշխատանքները նախատեսված են ավարտել նախքան հնավայրն այցելուների առաջ բացելը՝ ապրիլին։

«Այցելուների կենտրոնի վերականգնման աշխատանքները, ինչպես արտացոլվել է լրատվամիջոցների միջոցով, տարրերային է․․․ նրանք պետք է շատ զգուշորեն տեղաշարժվեին պաշտպանվող գոտու մեջ, բայց ծանր տեխնիկա է աշխատում հնավայրում։ Շատ անհանգստացնող է, որ յուրօրինակ նեոլիթյան մնացորդների և կլոր տաճարային համալիրի մուտքի մոտ այդպիսի գործողության է իրականացվում։ Անընդունելի է, որ նման աշխատանքների պատճառով վնասվի այս յուրօրինակ հնավայրը», - մտահոգված է հնագետ Նազիհ Բաշգելեն։

Տարվող աշխատանքների դեմ հնչող քննադատություններից հետո Թուրքիայի Մշակույթի և Տուրիզմի նախարարությունը հայտարարություն է տարածել՝ հնավայրում «միայն շինարարական տեխնիկա է կիրառվել»՝ ժխտելով բետոնի և ասֆալտի կիրառման լուրերը։

Պաշտպանական շերտը տեղադրվել է հողի վրա, նախքան 900 մետրանոց ճեմուղու կառուցումը, իսկ եզրաքարերը տեղադրվել են շերտի վրա:

Մեկ այլ հայտարարության մեջ նախարարությունն այս պնդումը համարեց «անհիմն և ոչ գիտական»՝ ժխտելով, որ պատմական շերտերը վնասվել են։

Նախարարությունը նաև հայտարարեց, որ շուտով փորձագետների և լրագրողների ուղեկցությամբ դեպի Պորտասար հետազոտական այց կկազմակերպվի։

Հիշեցնենք, որ  Պորտասարը գտնվում է Հայկական լեռնաշխարհում՝ Ուրֆայից մոտ 12 կմ հեռավորության վրա: Գերմանիայի Հնագիտական Ինստիտուտի ներկայացուցիչ Կլաուս Շմիդտը պեղումների արդյունքում պարզել էր, որ սրբատեղին ունի ավելի քանի 12.000 տարվա պատմություն: Այն համարվում է աշխարհի ամենավաղագույն տաճարային համալիրը, որտեղ հայտնաբերվել են հսակայական տեաձև քարեր, կենդանիների պատկերներ, կառույցը նաև խորը աստղագիտական տվյալներ է հաղորդում իր կառուցման ժամանակի ու վաղեմության մասին և ապացույց է հանդիսանում, որ մարդկային ամենաբարձր քաղաքակրթությունը դուրս է եկել հենց Հայկական լեռնաշխարհից:



Աշխարհի հնագույն տաճարային համալիրը՝ Պորտասարը, բետոնապատում են Աշխարհի հնագույն տաճարային համալիրը՝ Պորտասարը, բետոնապատում են

Related

facebook

Armenology

«ՖրիՎոյսՆյուզ»ՍՊԸ

Էլ. փոստ՝ info@armfvn.com

Գովազդի համար զանգահարել՝ (+374)93789764

© All rights reserved

Find Us`